Во текот на 2025 година, Град Скопје исплатил околу 750.000 евра за оштета на граѓани, кои биле жртви на напади од бездомни кучиња. Според податоците, градот се соочува со голем број тужби и судски пресуди за надомест на нематеријална штета.
За една година, поднесени се вкупно 440 тужби поради каснувања од кучиња, а донесени се 383 правосилни судски одлуки во корист на оштетените граѓани.
Врз основа на овие пресуди, од градскиот буџет се одлеани скоро милион евра.
Статистиката покажува секојдневно зголемување на бројот на ваквите инциденти, особено во урбаните средини. Многу случаи завршуваат со полесни телесни повреди, но, има инциденти и со посериозни повреди, кои бараат итна медицинска интервенција и оставаат долготрајни телесни и психолошки последици кај жртвите.
ДЕМОКРАТИ подолго време апелираат за оваа состојба и за потребата од донесување на итни и ефикасни мерки за справување со проблемот со бездомните кучиња во главниот град, но и во сите градови во државата.
Неспособните градоначалници и советници очигледно не можат да го решат проблемот со бездомните кучиња. Поради тоа, апелираме да се заложат за ИТНО решавање на проблемот, пред да се случи уште некоја трагедија и да се престане со трошење буџетски средства за оштета на повредени граѓани. Исто така да се заштитат и бездомните кучиња, да не бидат по улици и да претставуваат опасност по животот и здравјето на граѓаните.
ДЕМОКРАТИ секогаш се борат за доброто на граѓаните!
